BETAVITEVIT AKTIV FOLAT AKИВЕН ОБЛИК НА ФОЛНА КИСЕЛИНА 400MCG + VITAMIN B12

Фолната киселина спаѓа во групата витамини Б и е неопходна за синтеза на нуклеински киселини (ДНК и РНК). Таа има многу важна улога во создавањето на црвени крвни зрнца, кои носат кислород до сите делови од телото и овозможуваат правилно функционирање на клетките во телото. Недостатокот на фолна киселина доведува до анемија. Жените кои планираат бременост и бремените жени имаат потреба од поголема концентрација на фолна киселина во телото. Ниските нивоа на фолна киселина во бременоста се поврзани со ниска родилна тежина кај новороденчињата и зголемен ризик од оштетување на невралната туба (формација од која се развиваат ‘рбетниот мозок и мозокот). Витаминот Б12 го стимулира создавањето на црвени крвни зрнца, учествува во синтезата на генетскиот материјал на ДНК и РНК, како и во создавањето на миелин, кој формира заштитна обвивка околу нервите.

Витаминот Б12 помага во претворањето на фолната киселина во нејзината активна форма во телото. Фолната киселина и витаминот Б12 влијаат на нивото на аминокиселината хомоцистеин во крвта, спречувајќи ја нејзината концентрација во крвта да се зголеми. Зголемените нивоа на хомоцистеин се поврзани со појава на срцеви проблеми, депресија и нарушена меморија и концентрација.